அறிஞர்களின் கருத்துக்கள் வஹியா - எம்.ஜே.எம். ரிஸ்வான் மதனி

 

ithawheed.blogspot.com

இயக்க சார்பு முகாம் சிந்தனைகளின் தாக்கம் பெற்ற பல சகோதரர்கள் குறித்த சில அறிஞர்களின் எழுத்துக்களால் ஈர்க்கப்படலாம். ஆனால் அதன் விட்டில்களாக அவர்கள் மாறுவதுதான் நவீன தக்லீத் ஆகும்.

👉நவீன சிந்தனைகளின் முன்னோடிகள் என்ற பெருமைக்குரியவர்களாக இலங்கையில் சில சகோதரர்களால் காட்டப்படுகின்ற ஷேக் முஹம்மது கஸ்ஸாலி (ரஹ்) ஷேக் யூசுஃப் கர்ளாவி போன்ற அறிஞர்களின் கருத்துக்களை குர்ஆன் ஹதீஸை ஆதாரம் காட்டுவது போன்று காட்டும் வழமை,

👉சவூதி அறிஞர்கள் மற்றும் ஆய்வாளர்களின் கருத்தாடல்களையும்
👉பீ .ஜே.  / Aஅறிஞர் குழு
👉முஃப்திகள்,
👉ஹஸரத்மார்கள்,

👉மொலானாக்கள் போன்றோரின் கருத்துக்களையும் இந்த நிலையில் எடைபோடுவதையும் கூற முடியும்.

பொதுவாக அறிஞர்கள் சரி, பிழை என்று இரு கட்டமைப்பில் இருந்து வருபவர்களே!

அதற்காக தவறு செய்யாத மனிதர்கள் உண்டா? எனக் கேட்டு மக்களை மடையர்களாக்குவதை விடுத்து, அவர்களின் தீர்ப்புக்கள் குர்ஆன் மற்றும் ஸஹீஹான சுன்னாவின் ஒழியில் பார்க்கப்படுவதே மார்க்கத்தில் வேண்டப்பட்டதும் அதன் பாதுகாப்புமாகும்.

அறிஞர்களும் மனிதர்கள்தானே! தவறே செய்யமாட்டார்களோ? போன்ற கேள்வியின் மூலம் முழு முஸ்லிம் உம்மாவும் ஏகோபித்த ஹதீஸ்கலை அறிஞர்கள் மீது விரல் நீட்டுவதன் மூலம் ஹதீஸ்கள் நிராகரிக்கப்படுவதையும் ஏற்றுக் கொள்ள முடியாததே.

ஒருவர் தனது துறை அல்லாத மற்றொரு துறை பற்றி பேசினாலும் கருத்துக் குழப்பங்கள் எழுவது நியாயமானதே!

நவீன சிந்தனையாளர்களாக காண்பிக்கப்படும் அறிஞர்களை சாதாரன ஒரு மனிதன் தவறு செய்யாதவர் போல பார்ப்பதற்கும் ஷரீஆ படித்த ஒரு ஆலிம் ஒருவர் ஷேக்கா. ச்சே. அவரை மிஞ்சிய ஆளுண்டா? என தவறே செய்யாதவர் போல நினைப்பதற்கும் கருத்துப் பரிமாற்றம் செய்வதற்கும் இடையில் பாரிய வேறுபாடு உண்டு.

இரண்டாமவரின் பார்வை மிகப் பெரும் ஆபத்தாகும். இதுவே தமிழ் அறிஞரான பீ.ஜே. பக்தர்கள் வழிகெட்டுப் போகக் காரணமானது.

அதே காரணம் அரபி அறிஞர்களை.முன்னுதாரணமாகக் கொளாவோரிடமும் உண்டு.

ஷேக் கர்ளாவி அவர்கள் சிறந்தொரு அறிஞர். அவர்கள் எழுதிய
الحلال والحرام
என்ற பெறுமதியான நூலின் ஹதீஸ்களை நவீன கால ஹதீஸ்கலை அறிஞர் என போற்றப்படும் ஷேக் அல்பானி (ரஹ்) அவர்கள் அதில் இடம் பெற்ற ஹதீஸ்களை ஸஹீஹ்- ளயீஃப் எனத் தரப் பகுப்பாய்வு செய்து
تخريج أحاديث الحلال والحرام
என்ற நூலை வெளியிட்டார்கள். இதே அல்பானி (ரஹ்) அவர்கள் ஷேக் முஹம்மத் கஸ்ஸாலியின்
فقه السيرة
என்ற நூலில் இடம் பெறும் ஹதீஸ்களை தரப்படுத்தி
تخريج أحاديث فقه السيرة
என்ற நூலை வெளியிட்டார்கள்.

இது ஷேக் கர்ளாவி மற்றும் கஸ்ஸாலி (ரஹ்) போன்றோரின் முயற்சிக்கு மதிப்பளித்தல் என்ற ஒரு ஆலிமின் நடுநிலைப் பார்வையாகும்.
நடுநிலை வாதம் பேசும் இது நம்மவரிடம் இல்லாதொழிக்கப்ட்ட ஒரு நடுநிலை என்பது ஒரு புறம் இருக்க, ஷேக் கர்ளாவி, மற்றும் முஹம்மது அல்கஸ்ஸாலி ஆகியோர் ஹதீஸ் துறையில் வல்லுனர்கள் கிடையாது என்பதே இதன் அர்த்தமாகும்.

இவ்வாறு நோக்குகின்ற போது ஷரீஆ சார்ந்து அவர்கள் முன்வைக்கின்ற கருத்துக்கள் பலவீனமான ஹதீஸ்களின் அடிப்படையிலும் இடம் பெறும் என்பதைப் உணர்த்துகின்றது.

எனவே இவர்களின் தீர்ப்புக்களை சுனன் கிரந்தங்களின் ஹதீஸ்களை பகுப்பாய்வு செய்வது போன்று பகுப்பாய்வின்றி உறுதி செய்யாமல்
மக்கள் மன்றில் முன்வைப்பது ஒருவரின் தக்லீத் கண்மூடித்தனமான பின்பற்றலேயே காட்டும்.

ஏனெனில் இரண்டாம் நிலையில் பார்க்கப்பட வேண்டிய ஒரு அறிஞரின் கருத்தை உறுதி செய்யப்பட்ட வஹிபோன்று பாடம் சொல்லிக் கொடுப்பது இயக்க வெறிபிடித்த மூளையில் ஏற்படும் தக்லீத் பாரிசவாதமாகும்.

அதனைக் குணப்படுத்த ஒருவர் சார்ந்திருக்கும் அறிஞரின் கருத்துகளுக்கு மாற்றமாக கருத்துக்கள் கூறப்பட்டுள்ளதா? என்றும் சிந்திக்க அறிவு வேண்டும்.

இல்லாத போது தக்லீத் நோய் முத்தும் . இதுவே இன்றைய இயக்க வெறிகளின் பின்னால் காணப்படுகின்ற ரகசியமாகும்.

ஒரு குறிப்பு:

ஷேக் அல்பானி யார்? ஷேக் கர்ளாவியின் அறிவை மதித்து நூல் எழுதியவர். அப்படித்தானே? அவர்களிடம் ஷேக் கர்ளாவி பற்றி கேட்கப்பட்ட போது
شيخ قرضاوي؟ نعم! أقرضه قرضا.
ஷேக் கர்ளாவியா? அவரை ஒரே நறுக்காக நறுக்கி விடு என்றார்கள்.
فتاوى الألباني/ يوتيوب

எனவே ஷேக் கர்ளாவி அல்ல , அல்பானியும்தான் அனைவரும் மனிதர்களே!

ஆனால் எம்மை விட பன்மடங்கு சிறந்த அறிஞர்கள்தான். அதற்காக அவர்கள் சொல்வது இஜ்மாவுடைய நிலையில் பார்க்கப்படுவது போன்ற பிரச்சாரம் ஆபத்தானது.

ஏனெனில் முஸ்லிம் உலகில்

١) القرضاوي في الميزان. المؤلف : سليمان بن صالح الخراشي.

٢) كتاب : ” إسكات الكلب العاوي يوسف بن عبدالله القرضاوي ” . للشيخ مقبل بن هادي الوادعي رحمه .

٣) الفيض الكاوي في كشف ضلالات يوسف القرضاوي.

٤) القرضاوي في العراء.
تنبيه المسلمين من ضلالات يوسف القرضاوي

போன்ற ஷேக் கர்ளாவியைத் தாறுமாறாக விமர்சனம் செய்த நூல்கள் வலம் வருவது போன்று
ஷேக் முஹம்மது கஸ்ஸாலி அவர்களின்
كيف نتعامل مع السنة النبوية
என்ற நூலுக்கு பல மறுப்பு நூல்கள் வெளிவந்துள்ளன. அவற்றில்

١) الرد على محمد الغزالي وبيان منهجه المنحرف .
الشيخ: محمد ناصر الدين الألباني رحمه الله

٢) طليعة سمط اللآلي في الرد على الشيخ محمد الغزالي
 المؤلف: أبو إسحاق الحويني

என்ற மறுப்பு நூல்கள் பிரபல்யமானது என்பதையும் நாம் நினைவில் கொள்ள வேண்டும் தம்பிகளே!

காய்த்த மரமே கல்லடிபடும் என மிக எளிதாக சொல்லி வரட்டு தக்லீதுகளை நியாயப்படுத்தாது இந்த மறுப்புக்கள் நியாயமானதா? இல்லையா? என்றும் நாம் சிந்திக்க தவறும் பட்சத்தில் முரட்டு கப்ருவணங்கிகள் , மத்ஹபு பிடிவாதம் பிடித்தவர்கள், பீ.ஜே. வணங்கிகள் தொடரில் நவீன கர்ளாவி மற்றும் முஹம்மது கஸ்ஸாலி வணங்கிகள் என்ற பெயர் நமக்கு உரித்தாகிவிடும்

இதனால் தான் இமாம் ஷாஃபிஈ (ரஹ்) அவர்கள்

إذا صح الحديث فهو مذهبي

ஸஹீஹான ஹதீஸ்தான் எனது மத்ஹப் என்றார்கள்.

அனைவரின் வார்த்தைகளிலும் சரி, பிழை இரண்டும் உண்டு. இந்த மண்ணறையில் அடங்கப்பட்டுள்ள இறைத் தூதரின் வார்தையைத் தவிர என இமாம் மாலிக் (ரஹ்) அவர்கள் சொன்னார்கள்.

நடுநிலை என்பது குர்ஆன் சுன்னா அடிப்படையில் அமைந்த தீர்ப்பும் போக்குமாகும்.